Dis ti !: setembro 2007

sábado, 22 de setembro de 2007

Sumándonos

Pasos para poder editar directamente:
1. Abrir unha conta de correo co nome que lle corresponda a cada grupo. [Xa está creada]
2. Acceder a blogger (a través desta ligazón ou premendo no botón situado no sidebar dereito) e introducir ese correo coa súa clave.
3. Crear un artigo segundo as indicacións recibidas.
4. Incluír na entrada unha imaxe adecuada ao contido e as ligazóns que se precisen (unha cando menos). Deste xeito:

Introducir unha imaxe. Localizamos e copiamos o url da imaxe, prememos nesta icona ( ) e pegamos. Tamén se pode subir directamente dos nosos arquivos.

Crear unha ligazón. Seleccionamos o texto no que queremos que apareza, collemos o enderezo web, prememos nesta icona ( ) e pegámolo.

As imaxes non propias procúranse nun buscador como Google ou en bancos como Flickr.
5. Publicar e ver o blogue. Se se quere modificar algo (reaxustar o tamaño da imaxe, crear un novo parágrafo...), escóllese a entrada e edítase.

sexta-feira, 21 de setembro de 2007

Comezo de curso

Aquí se enceta Dis ti!, blogue (ou blog ou caderno de bitácora) destinado a organizar e recoller boa parte do traballo de todos os grupos de terceiro na materia de lingua galega e literatura.
Tentaremos subir os produtos dos nosos proxectos (creacións, reportaxes, podcast, rotas...), reflexións propias, fotos e todo canto entendamos que ten interese educativo.
Que non habemos ser quen? Dis ti!

Imaxe tomada de http://upload.wikimedia.org/wikipedia/commons/thumb/a/af/
Pobra_GDFL_0507_001.JPG/800px-Pobra_GDFL_0507_001.JPG

Assinar: Postagens (Atom)

Guía das tarefas xa realizadas (abre/pecha)

TAREFA I
1. Lemos a entrada Sumándonos.
2. Prememos en
3. Introducimos o correo do grupo (3_grupo_@gmail.com) e a clave ou contrasinal.
4. Prememos en Nova entrada
5. Escribimos o texto coas presentacións.
5. Creamos a ligazón coa páxina do IES, que ten este url: http://centros.edu.xunta.es/iespobradocaraminal/
6. Inserimos a imaxe máis axeitada que atopemos.
7. Poñemos arriba o título e abaixo a etiqueta co nome da aula:3ºA, 3ºB, 3ºC ou 3ºD, e publicamos.

TAREFA II
0. Revisade os erros e as formas non adecuadas (marcados con distinta cor) da vosa primeira entrada no blogue.
1. Poñédevos un pouco ao día sobre os temas que ocupan as asociacións similares ás vosas, co obxectivo de poder decidir logo cal é a cuestión que necesita ser atendida ou solucionada con máis urxencia. Anotade os temas principais.
Dúas vías para obter esa información:
a) Directorios de asociacións, en Vieiros e na Guía da comunicación, da Xunta.
b) Buscadores (situados nas barras superiores ou laterais) desta prensa dixital: Vieiros, Galicia Hoxe, Chuza!.
Así, por exemplo, se a nosa asociación pertencese ao ámbito do feminismo, poderiamos atopar no directorio de Vieiros a páxina feminismo.info, e informarnos de que a asociación Marcha mundial das mulleres está a traballar na concienciación sobre a necesidade de compartir, homes e mulleres, os traballos da casa, na regulación ou erradicación da prostitución, etc.
2. Se precisades seguir a opción b), ide anotando as palabras clave que empregades para buscar información. Variástelas para precisar máis? Con cal(es) e en que buscador conseguides mellores resultados?

TAREFA III
1. A Web 2.0 permite acceder a múltiples ferramentas na rede para presentar coñecementos. Por exemplo para facer mapas conceptuais. De xeito moi sinxelo:
(adaptación de http://mapasconceituais.cap.ufrgs.br/)

Un dos sitios onde podemos construílos é Glinkr. Revisade esta pequena guía:

a)Unha vez que se abriu unha conta:

b)Manexo dos mapas:

c)Elaboración:

Agora accedede a Glinkr, introducide os datos que se vos indiquen, escollede o mapa do voso grupo e esquematizade os contidos principais da explicación do obradoiro 3. Revisaranse logo os resultados e o mellor deles será publicado no noso blogue.
Acceso a Glinkr
2. Podedes coñecer outros sitios web para facer mapas conceptuais, como bubbl.us ou apreciar como funciona un buscador que presenta os resultados organizados nun mapa; probade a buscar, por exemplo, lingua galega eso aprendizaxe e movédevos polo mapa, podedes atopar algo moi moi próximo! O buscador en cuestión é KartOO.

TAREFA IV
1. Realizade estas actividades con atención (rexístranse os resultados).
2. Podedes ler máis exemplos de diferentes tipos de texto aquí. Clasificádeos.
2. Revisade algúns xéneros textuais nesta páxina. Cales poden considerarse do ámbito administrativo?
TAREFA V
1. Resolvede esta procura do tesouro, gardade as respostas e enviádeas a través do formulario do menú despregábel da cabeceira deste blogue.
2. Realizade as actividades do segundo caderno interactivo.